बेलबारी । बेलबारीमा आदिवासीहरूको मौलिक संस्कार संस्कृति भेषभुषा, खानपान सम्बन्धी एक दिने प्रदर्शनी कार्यक्रम सम्पन्न भएको छ । नेपाल आदिवासी जनजाति महासंघ नगर समन्वय परिषद् बेलबारीको आयोजनामा बुधवार वडा नं.१ स्थित तमु बुद्धिष्ट गुम्बाको प्राङ्गणमा सम्पन्न भएको हो ।
कार्यक्रममा आदिवासी भित्र रहेका १२ जातीय संस्थाहरूको फुट स्टल रहेको थियो । उक्त स्टलमा आफ्नो जातीको परम्परागत खाना साथै संस्कृति भेषभुषा तथा अन्य सामाग्रीहरू प्रदर्शनीमा राखेका थिए । कार्यक्रममा सांस्कृतिक नृत्य र गीत पनि प्रस्तुत गरेका थिए ।
कार्यक्रममा बेलबारी नगरपालिकाका प्रमुख दिलीप प्रसाद राई, उपप्रमुख नितु थापा, विभिन्न जातीय संस्थाका प्रतिनिधि लगायतको उपस्थिति रहेको थियो । कार्यक्रम नगर प्रमुख राईको प्रमुख आतिथ्यमा सम्पन्न भएको हो । नगर प्रमुख राई तथा उपप्रमुख थापालाई स्टल भिजिट पनि गराइएको थियो ।
आदिवासीहरूको मौलिक संस्कार संस्कृति भेषभुषा, खानपान सम्बन्धी एक दिने प्रदर्शनी कार्यक्रम नेपाल आदिवासी जनजाति महासंघ नगर समन्वय परिषद् बेलबारीका अध्यक्ष कुमार बोखिमको अध्यक्षतामा सम्पन्न भएको हो ।
