मोरङ, १० श्रावण । ट्रकको ठक्कर दिँदा स्कुटरमा सवार पथरी शनिश्चरेका एक युवाको ज्यान गएको छ । मृत्यु हुनेमा मोरङको पथरी शनिश्चरेका २१ वर्षीय रुपेश दाहाल रहेका छन् ।
इटहरीबाट खनारतर्फ जाँदै गरेको प्रदेश १–०२–०४३ प १०६४ नम्बरको स्कुटरलाई सोही दिशातर्फ जाँदै गरेको को १ ख ३९६८ नम्बरको ट्रकले इटहरी उपमहानगरपालिका–१२ रिलायन्समा सोमबार बिहान सवा ७ बजे ठक्कर दिएको थियो ।
दुर्घटनामा परी गम्भीर घाइते भएका स्कुटर चालक दाहालको उपचारका क्रममा विराट शिक्षण अस्पतालमा मृत्यु भएको पारिवारिक श्रोतले जनाएको छ ।
स्कुटरको पछाडि बसेका सुन्दरहरैंचा–३ गछीयाका २१ वर्षीय मानिस निरौला घाइते भएका छन् ।
घाइते निरौलाको सोही अस्पतालमा उपचार भइरहेको प्रहरीले जनाएको छ । ट्रकसहित चालकलाई प्रहरीले नियन्त्रणमा लिएको छ ।
