काठमाडौँ, ७ असोज । नेकपा (एकीकृत समाजवादी) ले ३०१ सदस्सीय केन्द्रीय कमिटीको निर्माण गरेको छ । आज बसेको केन्द्रीय कमिटीको बैठकले सात जना उपाध्यक्षसहित ३०१ सदस्सीय केन्द्रीय कमिटीको गठन गरेको हो ।
बैठक असोज ५ गतेदेखि सुरु भएको थियो । बैठकले सात जना उपाध्यक्ष, तीन जना उपमहासचिव र पाँच जना सचिव तोकेको छ । त्यस्तै ३५ सदस्यीय स्थायी कमिटी र ७१ सदस्यीय पोलिटब्युरो कमिटी पनि गठन भएको छ ।
यस्तै, पार्टीमा नेता बेदुराम भुसाल महासचिव बनेका छन् ।
