बेलबारी, १३ असोज । भोलि ( मंगलवार ) तेस्रो बेलबारी अन्तराष्ट्रिय आमन्त्रित गोल्डकपको फाइनल हुँदैछ ।
डाँगीहाट युथ क्लबद्वारा आयोजित तेस्रो बेलबारी अन्तराष्ट्रिय आमन्त्रित गोल्डकपको उपाधिको लागी फाइनलमा धरान फुटबल क्लब र रोयल क्लब वेष्ट बंगाल भारत बिच प्रतिस्पर्धा हुने छ ।
असोज १० गते शुक्रवार हुने भनिएको फाइनल खेल प्राविधिक कारण तथा निरन्तर भारी वर्षाको कारण रोकिएको थियो । तर सफा मौसम भए पछि आयोजकले भोलि फाइनल गर्ने जनाएको छ । आयोजक समितिका संयोजक एवं डाँगीहाट युथ क्लबका अध्यक्ष विक्रम राईले जनाएका हुन ।
प्रतियोगिताको अन्तिम सेमिफाइनल खेलमा बिहीबार रोयल भारतले एपीएफ काठमाडौँलाई ० – ३ गोल अन्तरले पराजित गर्दै फाइनलमा प्रवेश गरेको हो भने पहिलो सेमिफाइनलमा धरानले मदन भण्डारी स्पोर्टस एकेडेमीलाई २–१ गोलको अन्तरले हराउँदै फाइनलमा प्रवेश गरेको हो ।
प्रतियोगितामा विजयी टिमले ५ लाख र उपविजेताले २ लाख ५० हजार पाउने छन् ।
