झापा, २४ श्रावण । झापाबाट प्रहरीले ब्राउनसुगरसहित दुई जना महिलालाई पक्राउ गरेको छ । पक्राउ पर्नेमा दमक नगरपालिका १ का ३४ बर्सिया मञ्जु धिमाल र २५ बर्सिया विमला धिमाल रहेका छन् ।
प्रहरीले उनीहरूलाई गौरिगंज गाउँपालिका ४ कदमगामीबाट लागूऔषध ब्राउन सुगर सहित पक्राउ गरिएको हो । सीमा प्रहरी चौकी खजुरगामीबाट खटिएको प्रहरी टोलीले उनीहरूको साथबाट लागूऔषध ब्राउन सुगर ४४ ग्राम ३०० मिलिग्राम बरामद गरेको छ ।
पक्राउ परेका दुवैको बारेमा थप अनुसन्धान भइरहेको प्रहरीले जनाएको छ ।
