काठमाडौँ, २३ श्रावण । राष्ट्रिय परीक्षा बोर्डले २०७७ सालको एसईईको परीक्षाफल आज प्रकाशित गरेको छ ।परीक्षा नियन्त्रक कार्यालयले दिएको जानकारी अनुसार पाँच लाख १७ हजार १२२ जनाले परीक्षा फारम भरेकोमा चार लाख ८४ हजार २७८ उत्तीर्ण भएका छन् ।
परीक्षा नियन्त्रक कार्यालयका उपनियन्त्रक चेतनाथ शर्माले कोरोना भाइरसका कारण परीक्षा हुन नसकेपछि विद्यालयहरूले आन्तरिक मूल्याङ्कनका आधारमा पठाएको प्राप्ताङ्क अनुसार परीक्षाफल निकालिएको बताए ।
परीक्षा नियन्त्रक रुद्र अधिकारीले भने शुक्रवार सोमबार मात्रै परीक्षाफल प्रकाशन गरिने जानकारी गराका थिए । तर बोर्डले शनिवार नै परीक्षाफल सार्वजनिक गरेको छ ।
