सिन्धुपाल्चोक, २२ श्रावण । केही दिनदेखिको लगातारको वर्षा पछिको बाढीले सिन्धुपाल्चोकमा पहिरो जाँदा हेलम्बु राजमार्ग अवरुद्ध भएको छ । प्रहरीलेले इन्द्रावती नदीले बाटो कटान गर्दा मेलम्ची नगरपालिका–१३, मेलम्ची–जिरो किलो सडकखण्डमा अवरुद्ध भएको बताएको छ ।
प्रहरी कार्यालय मेलम्चीका प्रहरी निरीक्षक टीकाराम राईले सहजताका लागि वैकल्पिक बाटो खुलाउने प्रयास भइरहेको जानकारी दिएका छन् । हेलम्बु राजमार्ग अवरुद्ध भए पछि बिहानैदेखि यातायातका साधनहरू वारिपारि भएर रोकिएका छन् ।
बाटो अवरुद्ध भए पछि मेलम्चीबाट काठमाडौँ र काठमाडौँबाट मेलम्ची आएका यातायातका साधन र यात्रु अलपत्र परेको बताइएको छ ।
