काठमाडौँ, १६ श्रावण । नेपालमा कोरोना सङ्क्रमण दर बढ्दो क्रममा रहेको पाइएको छ । पछिल्लो २४ घण्टामा थप ३,१०६ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ९,२६३ जनामा गरिएको पीसीआर परीक्षणमा २,२८० र ४,२५६ जनामा गरिएको एन्टिजेन परीक्षणमा ८२६ जना गरी ३,१०६ जनामा सङ्क्रमण पुष्टि भएको हो ।
काठमाडौँ उपत्यकामा पछिल्लो २४ घण्टामा ७७५ जनामा कोरोना सङ्क्रमण पुष्टि भएको छ । पछिल्लो २४ घण्टामा थपिएका सङ्क्रमितमा काठमाडौँमा मात्रै ५१७ जना छन् । यस्तै, ललितपुरमा १६४ र भक्तपुरमा ९४ सङ्क्रमित थपिएका हुन् ।
पछिल्लो २४ घण्टामा कोरोना सङ्क्रमणका कारण २३ जनाको मृत्यु भएको छ भने १,९१६ जना सङ्क्रमणमुक्त भएका छन् ।
