काठमाडौँ, १६ श्रावण । जनता समाजवादी पार्टी नेपाल (जसपा) का अध्यक्ष उपेन्द्र यादव संसदीय दलको नेता चयन भएका छन् । उनी शनिवार सर्वसम्मत जसपा संसदीय दलको नेता चयन भएका हुन् ।
सङ्घीय परिषद्का अध्यक्ष डा. बाबुराम भट्टराईको प्रस्ताव र महिन्द्र राय यादवको समर्थनमा यादव संसदीय दलको नेता चयन भएका थिए । पार्टीका ज्येष्ठ सदस्य महिन्द्रराय यादवको अध्यक्षतामा बसेको दलको बैठकले संसदीय दलको नेता चयन गरेको हो ।
शनिवार बसेको दलको बैठकमा ३२ मध्ये २१ सांसदहरू उपस्थित रहेका थिए । संसदीय दलको नेतामा यादवको मात्रै उम्मेदवारी परेको हो ।
