काठमाडौँ, १५ श्रावण । नेपालमा पछिल्लो २४ घण्टामा १,८१६ कोरोना सङ्क्रमण निको हुँदा ३,६११ जना नयाँ कोरोना सङ्क्रमित थपिएका छन् ।
स्वास्थ्य तथा जनसङ्ख्या मन्त्रालयले दिएको जानकारी अनुसार ९,७८३ पीसीआर परीक्षण गर्दा २,४६७ जना र ४,८७८ एन्टिजेन परीक्षण गर्दा १,१४४ गरी ३,६११ जनामा कोरोना भाइरसको संक्रमण देखिएको हो । त्यसमध्ये काठमाडौँका ५५६, ललितपुरका १८७ र भक्तपुरका ७६ जना छन् । त्यस्तै, अहिले उपत्यकामा ८ हजार ५०१ जना सक्रिय सङ्क्रमित छन् । काठमाडौँमा ५९०३, ललितपुरमा १४७८ र भक्तपुरमा ११२० जना सक्रिय सङ्क्रमित छन् ।
यस्तै पछिल्लो २४ घण्टामा कोरोना सङ्क्रमणबाट २७ जनाको मृत्यु भएको स्वास्थ्य तथा जनसङ्ख्या मन्त्रालय जनाएको छ ।
