बेलबारी, १५ श्रावण । सवारी दुर्घटना गरेर फरार रहेका एक जना चालकलाई बेलबारी प्रहरीले पक्राउ गरेको छ । पक्राउ पर्नेमा जुङ्गीखोला गाउँपालिका वडा नं.०४ बस्ने अदाजी वर्ष ३२ का रामकृष्ण पौडेल रहेका छन् ।
इलाका प्रहरी कार्यालय बेलबारीका अनुसार रामकृष्णले गत श्रावण ११ गते बेलबारी नगरपालिका वडा नं. ३ स्थित पूर्व पश्चिम लोकमार्गमा पूर्वबाट पश्चिमतर्फ आउँदै गर्दा एक जना पैदल यात्रीलाई ठक्कर दिएर फरार भएका थिए । उनको ठक्करबाट अन्दाजी ६० वर्षका मोहन नाम गरेका एक जना पैदल यात्री घाइते भएका थिए । दुर्घटना गरेर परार रहेपछि प्रहरीले अनुसन्धान गरिरहेको थियो ।
बाग्मती प्रदेश ०१९०२४ च ९९१३ नम्बरको पिकअपसहित चालक पौडेललाई इलाका प्रहरी कार्यालय बेलबारीले पक्राउ गरेर अनुसन्धान अघि बताएको छ ।
