सुन्दरहरैचा, १४ श्रावण । अनजान रोशनको पहिलो गीत ‘यात्रा’ बजारमा आउँदै छ । सुन्दरहरैचा नगरपालिका वडा नं.८ निवासी रोशन चापागाईँले नेपाली सांगेतिक क्षेत्रमा ‘यात्रा’ बोलको गीतसँगै पाइला सुरु गर्ने भएको हो ।
अनजान रोशनको आवाजमा रहेको यात्रा गीत तयार भइसकेको छ भने भिडियो निर्माण कार्य पनि अन्तिम चरणमा रहेको उनले बताए । ‘यात्रा’ गीत प्रकृतिसँग रमाउने जोकोही यात्रीको मनोभावनासँग सम्बन्धी रहेको रोशन बताउँछन् ।
उनका अनुसार म्युजिक भिडियो डिड्रिम्स क्रियसनले निर्माण गर्दै छ भने मिडिया पार्टनरमा कोशी नेपाल मिडिया रहेको छ । यात्राको म्युजिक भिडियोको औपचारिक सार्वजनिक कोशि नेपाल मिडियाले गर्ने छ ।
रोशनका अनुसार म्युजिक भिडियो प्रमोद कार्कीको निदर्शनमा बन्न लागेको हो । ‘यात्रा’ गीतको रचनाकार पनि रोशन नै हुन । आवाज, शब्दसँगै कम्पोज पनि रोशनकै रहेको छ ।
निर्देशक प्रमोदका अनुसार म्युजिक भिडियोको छायांकन सम्पन्न भइसकेको छ भने सम्पादन कार्यको अन्तिम तयारीमा पुगेको छ । भिडियो सम्पादन शेखर घिमिरेले गरिरहेका छन् । म्युजिक मिडियाको सह निर्देशन निशान मगर रहेका छन् ।
काठमाण्डौँको जेनेरिक स्टुडियोमा रेकर्ड भएको ‘यात्रा’ गीतको एरेन्जर विकास सुनार हुन भने मिक्सिङ गोविन्द सोनीले गरेका हुन । म्युजिक भिडियो सम्पादन कार्य सम्पन्न भए पछि केही दिन भित्रै सार्वजनिक गर्ने कोशी नेपाल मिडियाको तयारी रहेको छ ।
‘यात्रा’ को म्युजिक भिडियोको औपचारिक सार्वजनिक कार्यक्रमको तयारी भइरहेको छ । कोशी नेपाल मिडियाद्वारा सञ्चालित कोशी नेपाल डटकमको वेबसाइटमा भिडियो राखिने छ । कोशी नेपाल डटकमको अफिसियल फेसबुक पेज र युट्युब मार्फत भिडियो सार्वजनिक हुने छ ।
