दमक, १३ श्रावण । झापाको दमकमा गए राती भएको सडक दुर्घटनामा परेर श्रीमान् श्रीमतीको मृत्यु भएको छ । दुर्घटनामा परेर मृत्यु हुनेमा कन्काइ नगरपालिका ३ का पूर्णबहादुर बिस्ट र उनकी श्रीमती भिमा बिस्ट रहेको प्रहरीले जनाएको छ ।
प्रहरीका अनुसार मङ्गलवार राती पश्चिमबाट पूर्वतर्फ आइरहेको प्रदेश २–०३–०१३ प ४७८७ नम्बरको मोटरसाइकललाई विपरीत दिशाबाट आएको ना ४ ख ८७३० नम्बरको मालवाहक ट्रकले ठक्कर दिँदा दम्पती मृत्यु भएको थियो । ट्रकले मोटर साइकललाई ठक्कर दिँदा गम्भीर घाइते बनेका मोटरसाइकलमा सवार श्रीमान् श्रीमती लाई लाइफलाइन अस्पताल लैजाने क्रममा बाटैमा दुवै जनाको मृत्यु भएको प्रहरीले जनाएको छ ।
ठक्कर दिने ट्रकका चालक विराटनगर–४ का ४८ का सुजन थापालाई अस्थायी प्रहरी पोस्ट ताराबारीले ट्रकसहित नियन्त्रणमा लिएको छ ।
