काठमाडौँ, १२ श्रावण । नेपालमा पछिल्लो २४ घण्टामा १,७१८ निको हुँदा ३ हजार ८९९ नयाँ सङ्क्रमित थपिएका छन् । स्वास्थ्य तथा जनसङ्ख्या मन्त्रालयले १७ हजार ५१८ को परीक्षण गदा उक्त सङ्ख्यामा सङ्क्रमित फेला परेको जानकारी दिएको छ ।
स्वास्थ्य तथा जनसङ्ख्या मन्त्रालयले दिएको जानकारी अनुसार यो अवधिमा १,७१८ सङ्क्रमित निको भएर घर फिरेका छन् । पछिल्लो २४ घण्टामा २० जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ । योसँगै कोरोनाका मृत्यु हुनेको सङ्ख्या ९,५७८ पुगेको छ ।
कोरोना सङ्क्रमण दर दैनिक रूपमा बढिरहेको छ । यो दर बढेसँगै केही स्थानीयपालिकाले भने लकडाउन गर्न थालेका छन् ।
