बागलुङ, ११ श्रावण । लुकाइराखेको अवस्थामा प्रहरीले बागलुङबाट २२ नाल भरुवा बन्दुक फेला पारेको छ । आइतबार दिउँसो प्रहरी चौकी बुङ्ग दोभान बागलुङबाट खटिएको प्रहरीको गस्ती टोलीले उक्त परिमाणको भरुवा बन्दुक फेला पारेको जिल्ला प्रहरी कार्यालय बागलुङले जनाएको छ ।
जिल्ला बागलुङका प्रहरी नायब उपरीक्षक इकवाल हवारीले प्रहरीले जिल्लाको तमान खोला गाउँपालिका–४ लाममेलास्थित घट्टेखोला नजिकै रहेको ओढारमा एकनाले भरुवा बन्दुक १२ थान र तमानखोला–३ मार्के खोलाको ओढारमा एकनाले १० थान बन्दुक फेला परेको जानकारी दिएका छन् ।
प्रहरीले भरुवा बन्दुक पक्राउमा सक्रियता देखाएपछि आफू फस्ने डरले स्थानीयले डरले बन्दुक लुकाउने गरेको बताइएको छ । ओढारमा भरुवा बन्दुक भेटिएको बारेमा थप अनुसन्धान भइरहेको प्रहरी बताएको छ ।
