बेलबारी, ९ श्रावण । मोरङको बेलबारीमा माछा मार्ने क्रममा करेन्ट लागेर एकजनाकाे मृत्यु भएको छ । मृत्यु हुनेमा बेलबारी नगरपालिका ६ का ६३ वर्षीय पदम बहादुर गुरुङ रहेका छन् ।
इलाका प्रहरी कार्यालय बेलबारीले दिएको जानकारी अनुसार शुक्रवार बेलुका ४ बजे सिमावानस्थित कयार खोलामा माछा मार्ने क्रममा आफैलाई करेन्ट लागेर गुरुङको मृत्यु भएको हो । प्रहरीले घटनाको थप अनुसन्धान भइरहेको जनाएको छ ।
