काठमाडौँ, ४ श्रावण । नेपालमा कोरोना सङ्क्रमणबाट मुक्त हुनेको सङ्ख्या ६ लाख ३३ नाघेको छ । पछिल्लो २४ घण्टामा थप १,२५८ जना कोरोना सङ्क्रमित उपचारपछि निको भएसँगै कोरोनाबाट मुक्त हुनेको हुनेको सङ्ख्या ६ लाख ३३ हजार ३३२ जना पुगेको छ ।
पछिल्लो २४ घण्टामा देशभर २,४४५ जनामा कोरोना भाइरस सङ्क्रमण पुष्टि भएको छ । सात हजार ८३३ जनाको पीसीआर परीक्षण गर्दा एक हजार ६२ जना र तीन हजार ८३१ जनाको एन्टिजेन परीक्षण गर्दा आठ सय तीन जना गरी २,४४५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
योसहित नेपालमा कोरोना सङ्क्रमण पुष्टि हुनेको सङ्ख्या सात लाख १८ हजार ४९४ पुगेको छ ।
