लेटाङ, १ श्रावण । मोरङको लेटाङमा भ्यान दुर्घटना हुँदा चार जना घाइते भएका छन् । लेटाङ नगरपालिका–३ मा भएको दुर्घटनामा भ्यान दुर्घटनामा उर्लाबारी नगरपालिका–२ का ३२ वर्षीय जितन खतिवडा गम्भीर घाइते भएका छन् ।
कानेपोखरीबाट लेटाङतर्फ जाँदै प्रदेश नम्बर १ ०२ ००२ च ४५१० नम्बरको भ्यान विपरीत दिशाबाट आउँदै गरेको सवारीसाधनलाई साइड दिने क्रममा अनियन्त्रित भएर दुर्घटना भएको प्रहरीले जनाएको छ ।
खतिवडासहित सबै घाइतेहरूको विराटनगरस्थित नोबेल अस्पतालमा उपचार भइरहेको प्रहरीले जनाएको छ ।
