पथरी, २७ असार । मोरङको पथरीबाट बालिका करणीको आरोपमा प्रहरीले एक जना डाक्टरलाई पक्राउ गरेको छ । प्रहरीले १३ वर्षीय बालिकालाई करणी गरेको आरोपमा २८ वर्षीय राजेश साहलाई पक्राउ गरेको हो ।
इलाका प्रहरी कार्यालयले पथरी शनिश्चरेमा डेरा गरी बस्दै आएका साहले सोही स्थानकी १३ वर्षीय बालिकालाई जबरजस्ती करणी गरेको आरोपमा पक्राउ गरिएको जनाएको छ । शाह बोदेबरसाई नगरपालिका सप्तरी स्थायी घर भई पथरीशनिश्चरेको एक चस्मा पसलमा आँखा डाक्टरको रूपमा कार्यरत रहेका थिए ।
पीडितको उजुरीका आधारमा साहलाई पक्राउ गरी अनुसन्धान सुरु गरेको प्रहरीले जनाएको छ ।
