बेलबारी, १६ असार । इलाका प्रहरी कार्यालय बेलबारीले लागु औषधसहित ४ जना युवा पक्राउ गरेको छ । मंगलबार बेलबारी १ स्थित माछा हटियाबाट प्रहरीले लागु औषधसहित सहित पक्राउ गरेको हो ।
प्रहरीका अनुसार गोप्य सूचनाको आधारमा लागू औषधको कारोबार भइरहेको जानकारी भए पछि इलाका प्रहरी कार्यालय बेलबारीबाट खटिएका प्रहरी टोलीले कालो प्लास्टिक भित्र सेतो टेपले बेरी लुकाई छिपाई बोकेका अवस्थामा लागु औषधसहित वडा नं. १ बस्ने वर्ष २५ को रिकल कोइराला, वर्ष २४ को केशव गुरुङ, वर्ष २७ को विशाल गुरुङ र वर्ष ३५ को सुरज गुरुङ पक्राउ परेको हो ।
उक्त प्लास्टिकको जोलामा डाइजेलब १७ एम्पुल, फेनेरगन १७ एम्पुल, एभल १७ एम्पुल र लुपिग्यासिक १७ एम्पुल, ४ एम्पुलको एक सेट गरी ९ सेटमा ६८ एम्पुल बरामद गरेको इलाका प्रहरी कार्यालय बेलबारीले जनाएको छ । प्रहरीले युवकहरूले प्रयोग गरेको को.१७ प.४७२ नम्बरको यामाहा कम्पनीको रातो सेतो रंगको आर १५ मोटरसाइकल र को.३० प.५६१ नम्बरको बजाज कम्पनीको रातो कालो रंगको एयस २०० मोटरसाइकल पनि नियन्त्रणमा लिएको छ ।
उक्त प्रतिवादीहरूलाई पक्राउ गरी लागू औषध मुद्दामा म्याद थप गरी हाल अनुसन्धान भइरहेको इलाका प्रहरी कार्यालय बेलबारीले जनाएको छ ।
