काठमाडौँ, १४ असार । आज १ नं प्रदेशसहित देशका विभिन्न स्थानमा भारी वर्षाको सम्भावना रहेको मौसम विभागले जनाएको छ ।
मनसुनी वायु प्रभावले प्रदेश–१ का केही स्थानमा बिहानैदेखि वर्षा भइरहेको र दिनभर पनि देशैभर सामान्यदेखि पूर्ण बदली रहने मौसम पूर्वानुमान महाशाखाले जनाएको छ ।
यसैबिच आज काठमाडौँमा दिनभर मौसममा बदली रहन गई हल्कादेखि मध्यम वर्षा हुने विभागको अनुमान रहेको । आज राति पनि देशभर सामान्यदेखि पूर्ण बदली रह नगई देशैभरका केही स्थानका हल्कादेखि मध्यम वर्षाको सम्भावना रहेको छ ।
भारी वर्षाले गर्दा पहाडी भू–भागमा पहिरोको सम्भावना रहने हुँदा आवश्यक सतर्कता अपनाउनसमेत विभागको आग्रह रहेको छ ।
