सुन्दरहरैँचा, ६ असार । खसी चोरेको अभियोगमा सुन्दररहैँचामा एकजना युवालाई प्रहरीले पक्राउ गरेको छ । पक्राउ पर्नेमा सुन्दरहरैँचा नगरपालिका वडा नं ७ का वर्ष २७ का डम्मर कटुवाल रहेको प्रहरीले जनाएको छ ।
जिल्ला प्रहरी कार्यालय मोरङले दिएको जानकारी अनुसार सुन्दरहरैँचा ३ गछियास्थित जीवन खड्काको खोरमा बाँधिएको खसी चोरेर भाग्ने क्रममा उनी पक्राउ परेका हुन् ।
खसी चोरी भएको सूचना पाउनसाथ ईलाका प्रहरी कार्यालय बेलबारीबाट खटिएको प्रहरी टोलीले सुन्दरहरैँचा नगरपालिका वडा नं ८ स्थित कृष्ण पेट्रोल पम्प उत्तर तर्फको बाटोमा खसीसहित कटुवाललाई पक्रन सफल भएको थियो ।
पक्राउ परेका कटुवाललाई चोरी कसुरमा थप अनुसन्धान कार्य भई रहेको जिल्ला प्रहरी कार्यालय मोरङले जनाएको छ ।
