मोरङ, ४ असार । मोरङमा हात्तीको आक्रमणबाट एक जना युवाको मृत्यु भएको छ । सुनवर्षी नगरपालिका ८ स्थित हर्चनगडीमा हात्तीको आक्रमणमा परेर कुडेली घर भएका २० वर्षीय मनोहर मिया मृत्यु भएको प्रहरीले जनाएको छ ।
इलाका प्रहरी कार्यालय रंगेलीका प्रहरी निरीक्षक अनमोल खड्काले दिएको जानकारी अनुसार हात्तीको आक्रमणबाट घाइते मियाको उपचारका क्रममा विराटनगर स्थित न्युरो अस्पताल मृत्यु भएको छ ।
मिया शुक्रवार बिहान हात्ती देखेपछि फोटो खिच्न गएको र उनलाई त्यही हात्तीले आक्रमण गरेको बताइएको छ । पछिल्लो समय जङ्गली हात्ती भारतबाट नेपाल प्रवेश गरेर क्षति पुर्याउने क्रम बढेको पनि इलाका प्रहरी कार्यालय रंगेलीका प्रहरी निरीक्षक खड्का बताउँछन् ।
