सुन्दरहरैँचा, २ असार । मोरङको सुन्दरहरैँचामा मोटरसाइकल दुर्घटना हुँदा एक जनाको मृत्यु भएको छ ।
दुर्घटनामा परेर सुन्दरहरैँचा नगरपालिका–८ सलकपुरमा मङ्गलवार राति दुर्घटना हुँदा मोटरसाइकल चालक २५ वर्षी यामबहादुर थापाको मृत्यु भएको प्रहरीले जनाएको छ ।
प्रदेश १ ट्राफिक प्रहरी प्रमुख एसपी सञ्जीव शर्माले मङ्गबार राती भएको दुर्घटनामा परेर को ३५ प ५९७१ नम्बरको मोटरसाइकलका चालक नवलपरासी गैंगाकोट–९ घर भई मोरङको सुन्दरहरैँचा–८ मा बस्दै आएका २५ वर्षीय यामबहादुर थापाको मृत्यु भएको जानकारी दिएका छन् ।
ट्राफिक प्रहरी प्रमुख एसपी सञ्जीव शर्माका अनुसार पूर्व–पश्चिम लोकमार्गमा पश्चिमबाट पूर्वतर्फ जाँदै गरेको सडक निर्माणमा प्रयोग गरिने अनटेष्ट लोडरमा मोटरसाइकल पछाडिबाट ठोक्किएर गम्भीर घाइते भएका थापालाई उपचारका लागि विराटनगरस्थित कोसी अस्पतालमा पुर्याइएको थियो । उच्चारको क्रममा उनको मङ्गलवार राति ८ः५५ बजेतिर मृत्यु भएको थियो ।
मृतक थापासँग सवारी चालक अनुमति पत्र (लाइसेन्स) नरहेको र निजले मादकपदार्थ सेवन गरेको पाइएकोसमेत प्रहरीले जनाएको छ ।मोटरसाइकलको पछाडि सवार सुन्दरहरैँचा–६ गछियाका ३० वर्षीय रूपक खड्का घाइते भएको र उनको अवस्था सामान्य रहेको प्रहरीले जनाएको छ ।
प्रहरीले लोडर चालक मोरङको कटहरी गाउँपालिका–७ का ३३ वर्षीय सरोज गौतमलाई नियन्त्रणमा लिएर घटनाको अनुसन्धान थालेको छ ।
