काठमाडौँ, १ असार । पछिल्लो २४ घण्टामा नेपालमा ४,१८७ जना कोरोना सङ्क्रमित निको भएर घर फिरेका छन् ।
स्वास्थ्य तथा जनसङ्ख्या मन्त्रालयका अनुसार नेपालमा हालसम्म पाँच लाख ४० हजार ४३९ जना सङ्क्रमित निको भइसकेका छन् ।
पछिल्लो २४ घण्टामा देशभर १३,९२० जनाको परीक्षण गर्दा २,७४५ जना व्यक्ति कोरोना सङ्क्रमित देखिएका छन् । स्वास्थ्य मन्त्रालयका अनुसार देशभरका प्रयोगशालामा गर्दा ७,४४९ जनाको पिसिआर र ५,८४१ जनाको एन्टीजेन परीक्षण गर्दा पिसिआरमार्फत एक हजार ६८१ जना र एन्टीजेटमार्फत एक हजार ६४ जना सङ्क्रमित पुष्टि भएका हुन् ।
पछिल्लो २४ घण्टामा देशभर ४१ जना सङ्क्रमितको मृत्यु भएको छ । हालसम्म ८ हजार ५०६ जना सङ्क्रमितको मृत्यु भएको छ ।
