काठमाडौँ, ३१ जेठ । गएको शुक्रवारदेखि नेपालमा प्रवेश गरेको मनसुनी प्रणाली देशैभरि फैलिएको छ । जेठ २८ गते नेपालको पूर्वी भूभाग हुँदै प्रवेश गरेको मनसुन आइतबारदेखि देशैभर फैलिएको मौसम पूर्वानुमान महाशाखाले जनाएको छ ।
आज देशभर सामान्यदेखि पूर्ण बदली रही बागमती प्रदेश, गण्डकी, लुम्बिनी, कर्णाली र सुदूरपश्चिम प्रदेशका केही र बाँकी प्रदेशका एक–दुई स्थानहरूमा वर्षा भइरहेको छ ।
महाशाखाले आज दिउँसो देशभर सामान्यदेखि पूर्ण बदली रहने जनाउँदै देशका धेरै स्थानहरूमा मेघगर्जन, चट्याङसहित हल्कादेखि मध्यम वर्षाको सम्भावना रहेकोले सचेत रहन सबैमा अनुरोधसमेत गरेको छ
