बेलबारी, २९ जेठ । बेलबारी ९ वडा कार्यालय र लीला राई फाउन्डेसनले कोरोना संक्रमित परिवारलाई पौष्टिक आहार खाद्यान्न सामाग्री सहित मास्क तथा सेनिटाइजर वितरण गरेको छ । पौष्टिक राहत तथा मास्क सेनिटाइजर वितरण कार्यक्रमको संयुक्त आयोजनामा आज शनिवार वितरण गरेको हो ।
वडावासीलाई सचेत तथा राहत प्रदान गर्ने उद्देश्यले पौष्टिक राहत तथा मास्क सेनिटाइजर वितरण कार्यक्रम गरेको वडा अध्यक्ष नगेन्द्र खड्काले बताउँछन् । कोरोना संक्रमित ७ परिवारलाई पौष्टिक राहतसहित मास्क र सेनिटाइजर वितरण गरेको अध्यक्ष खड्काले जनाए । अध्यक्ष खड्काका अनुसार वडा भित्रका १४ टोल विकास संस्थालाई ९ हजार मास्क र ८० लिटर सेनिटाइजर वितरण गरिएको छ ।
४ हजार मास्क र ३० लिटर सेनिटाइजर लीला राई फाउन्डेसनद्वारा सहयोग भएको वडा कार्यालयले जनाएको छ ।
