पाँचथर, २५ जेठ । पाँचथरमा जिप दुर्घटना हुँदा दुई जनाको मृत्यु भएको छ । मङ्गलवार हिलिहाङ गाउँपालिका–७ भारपाको टारीस्थित मेची राजमार्गमा पिकअप भ्यान दुर्घटना हुँदा चालकसहित एक महिलाको मृत्यु भएको हो ।
उक्त दुर्घटनामा परेर ताप्लेजुङको पाथीभरा याङवरक गाउँपालिका–२ थेचम्बु घर भएका ३२ वर्षीय सवारी चालक मिलन विष्ट र पिकअपमा सवार सोही गाउँकी २५ वर्षीय सीता अधिकारीको घटनास्थलमै मृत्यु भएको प्रहरीले जनाएको छ ।
जिल्ला प्रहरी कार्यालय पाँचथरका सूचना अधिकारी प्रहरी निरीक्षक डम्बर विश्वकर्माले दिएको जानकारी अनुसार खाद्यान्न बोकेर झापादेखि ताप्लेजुङतर्फ गइरहेको प्रदेश नं.०१–००१ च ७६९१ नम्बरको पिकअप दुर्घटनामा पर्दा पिकअप सडकबाट करिब ५० मिटर तल खसेको थियो । मृतकको शवलाई पोस्टमार्टमका लागि पाँचथर अस्पताल पठाइएको छ ।
