काठमाडौँ, २४ जेठ । पछिल्लो २४ घण्टामा नेपालमा थप ६,९५१ जना सङ्क्रमितले कोरोना जितेका छन् । योसँगै हालसम्म सङ्क्रमणमुक्त हुनेको सङ्ख्या ४ लाख ९७ हजार ९६० पुगेको छ ।
स्वास्थ्य तथा जनसङ्ख्या मन्त्रालयले दिएको जानकारी अनुसार पछिल्लो २४ घण्टामा थप ४,४७२ जनामा कोरोना भाइरस सङ्क्रमण पुष्टि भएको छ । योसँगै हालसम्म सङ्क्रमित हुनेको सङ्ख्या ६ लाख ६ हजार १५५ पुगेको छ ।यस्तै पछिल्लो २४ घण्टामा थप ९२ जना सङ्क्रमितको मृत्यु भएको छ ।
योसँगै हालसम्म कोभिड–१९ का कारण ज्यान गुमाउनेको सङ्ख्या ७ हजार ९९० पुगेको छ ।हाल सक्रिय सङ्क्रमितको सङ्ख्या ८५ हजार ५४४ रहेको छ । पछिल्लो २४ घण्टामा १२ हजार २ पीसीआर र ५ हजार ९०१ जनाको एन्टीजेन परीक्षण विधिबाट कोभिड–१९ को सङ्क्रमण जाँच भएको छ ।
