काठमाडौँ, १८ जेठ । विवेकशील साझा पार्टीका पूर्व अध्यक्ष उज्ज्वल थापाको निधन भएको छ । काठमाडौँस्थित मेडिसिटीको भेन्टिलेटरमा उपचाररत थापाको आज ४ः२५ मा निधन भएको विवेकशील साझा पार्टीले जनाएको छ ।
स्वास्थ्यमा समस्या आएर पछि करिब दुई साताअघि अस्पताल भर्ना गरिएका थापाको मेडिसिटी अस्पतालमा उपचार भइरहेको थियो । कोरोनाबाट सङ्क्रमित ४४ वर्षीय थापालाई निमोनिया देखिए पछि सघन कक्षमा राखेर उपचार गरिएको थियो ।
उनको उपचारका लागि देश विदेशबाट सहयोग जुटिरहेको थियो । आर्थिक कारण उपचारमा समस्या नआओस् भनेर लागिरहेका शुभचिन्तक तथा आफन्तलाई उनको मृत्युले आहत पारेको छ । थापा एक इमान्दार, कर्तव्यनिष्ठ युवा नेताको रूपमा परिचित थिए ।
