काठमाडौँ, १७ जेठ । पछिल्ला दिनहरूमा कोरोना सङ्क्रमणबाट निको हुनेको सङ्ख्या घट्दै गएको छ ।
नेपालमा पछिल्लो २४ घण्टामा थप ६,४९१ जना कोरोना सङ्क्रमित उपचारपछि निको भएका छन् । योसँगै कोरोना सङ्क्रमण भई निको हुनेको सङ्ख्या ४ लाख ४७ हजार ४४६ पुगेको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा ४,१७८ जनामा कोरोना भाइरस सङ्क्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या ५ लाख ६१ हजार ३०२ पुगेको छ । पछिल्लो २४ घण्टामा काठमाडौँ उपत्यकामा १,२६३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार काठमाडौँमा ८९० जना, भक्तपुरमा १२१ जना र ललितपुरमा २५२ जना कोरोना सङ्क्रमित भेटिएका छन् ।
