काठमाडौँ, १३ जेठ । नेपालमा पछिल्लो २४ घण्टामा ७,२२६ जनाले कोरोना जित्दा ६,७३१ जना नयाँ सङ्क्रमित थपिएका छन् । नेपालमा पछिल्लो २४ घण्टामा ७,२२६ जनाले कोरोना जितेर घर फर्किएका छन् । योसँगै नेपालमा कोरोना निको हुनेको सङ्ख्या ४ लाख १८ हजार ८२९ पुगेको छ ।
लगातार दोस्रो दिन सङ्क्रमित भन्दा निको हुनेको सङ्ख्या बढी रहेको छ । बुधवार पनि नयाँ संक्रमितभन्दा निको हुनेको सङ्ख्या बढी रहेको थियो ।स्वास्थ्य तथा जनसङ्ख्या मन्त्रालयले दिएको जानकारी अनुसार बिहीबार विभिन्न जिल्लामा गरिएको २० हजार ४१४ पीसीआर परीक्षणमा ६,७३१ जनामा कोरोना पुष्टि भएको हो ।
हालसम्म नेपालमा कोरोना सङ्क्रमितको सङ्ख्या ५ लाख ४२ हजार २५६ पुगेको छ ।स्वास्थ्य तथा जनसङ्ख्या मन्त्रालयले दिएको जानकारी अनुसार पछिल्लो २४ घण्टामा देशभर गरी १०६ जनाको मृत्यु भएको छ । यो सँगै नेपालमा कोरोनाबाट मृत्यु हुनेको सङ्ख्या ६,९५१ पुगेको छ ।
कोरोना सङ्क्रमण दर उच्च रहेको नेपालमा केही दिनदेखि मृत्युदरमा भने केही कमी आएको देखिन्छ ।
