काठमाडौँ, १० जेठ । नेपालमा पछिल्लो २४ घण्टामा ७,१३५ जनाले कोरोना जितेका छन् । ७,१३५ सङ्क्रमित उपचारपछि निको भएर घर फिर्दा पछिल्लो २४ घण्टामा देशभर थप ७,४२५ जना नयाँ सङ्क्रमित थपिएका छन् ।
स्वास्थ्य तथा जनसङ्ख्या मन्त्रालयका अनुसार पीसीआर विधिबाट १९ हजार ८४६ र एन्टिजेन विधिबाट ६०७ जनाको परीक्षण गर्दा ७,४२५ जनामा सङ्क्रमण पुष्टि भएको हो । सोही अवधिमा काठमाडौँ उपत्यकामा २,७८५ जना सङ्क्रमित थपिएका छन् ।
पछिल्लो २४ घण्टामा काठमाडौँमा १८०६ जना कोरोना भाइरस सङ्क्रमित थपिएका छन् । यस्तै भक्तपुरमामा २९८ र ललितपुरमा ६८१ जनामा सङ्क्रमण पुष्टि भएको छ ।यस्तै पछिल्लो २४ घण्टामा कोरोना सङ्क्रमणबाट १८५ जनाको ज्यान गएको छ ।
योसँगै देशभर कोरोनाबाट ज्यान गुमाउनेको कुल सङ्ख्या ६,५३१ पुगेको छ ।यस्तै देशभर कोरोना सङ्क्रमितको कुल सङ्ख्या ५ लाख २० हजार नाघेको छ भने निको हुनेको सङ्ख्या ३ लाख ९८ हजार ४८३ पुगेको छ । हाल देशभर सक्रिय सङ्क्रमितको सङ्ख्या एक लाख १५ हजार ४४७ रहेको स्वास्थ्य तथा जनसङ्ख्या मन्त्रालयले जनाएको छ ।
