काठमाडौँ, ६ जेठ । पछिल्लो २४ घण्टामा ६,५४३ जना कोरोना सङ्क्रमित निकोहुँदा ८,३०५ नयाँ थपिएका छन् ।
पछिल्लो २४ घण्टामा १९० जनाको कोरोना सङ्क्रमणबाट मृत्यु भएको स्वास्थ्य तथा जनसङ्ख्या मन्त्रालयले जनाएको छ । योसँगै हालसम्म मृत्यु हुनेको सङ्ख्या ५,८४७ पुगेको छ ।
स्वास्थ्य तथा जनसङ्ख्या मन्त्रालयले दिएको जानकारी अनुसार पछिल्लो २४ घण्टामा २१ हजार ६९५ जना पीसीआर र ३ सय ९२ जनाको एन्टीजेन परीक्षण गरिएको थियो । हाल सक्रिय सङ्क्रमितको सङ्ख्या एक लाख १५ हजार ८५२ पुगेको छ ।
पछिल्लो समय सङ्क्रमणमुक्त हुनेको सङ्ख्या घट्दो क्रममा रहेको तथ्याङ्कले देखाए पनि सङ्क्रमण दर भने घट्न सकेको छैन । हालसम्म कुल सङ्क्रमणमुक्त हुनेको सङ्ख्या ३ लाख ६६ हजार ९४६ पुगेको छ । त्यस्तै हालसम्म कुल सङ्क्रमित हुनेको सङ्ख्या ४ लाख ९२ हजार ४९९ रहेको छ ।
