काठमाडौँ, ४ जेठ । नेपालमा ८,२०३ नयाँ सङ्क्रमित थपिँदा ६,८९१ कोरोना निको भएर घर फर्किएका छन् ।
पछिल्लो २४ घण्टामा सङ्क्रमणमुक्त हुनेको सङ्ख्या ३ लाख ५२ हजार ४१४ पुगेको स्वास्थ्य तथा जनसङ्ख्या मन्त्रालयले जनाएको छ ।पछिल्लो २४ घण्टामा देशभर थप ८,२०३ जनामा कोरोना भाइरस सङ्क्रमण पुष्टि भएको छ ।
योसँगै कुल कोरोना सङ्क्रमितको सङ्ख्या ४ लाख ७६ हजार २१ पुगेको छ । पछिल्लो २४ घण्टामा थप १९६ सङ्क्रमितको मृत्यु भएको छ । योसँगै हालसम्म कुल ५ हजार ४११ जनाको मृत्यु भएको छ । नेपालमा हाल १ लाख १४ हजार ५२९ जना सक्रिय सङ्क्रमित छन् ।
कोरोना सङ्क्रमण दरलाई हेर्दा पछिल्लो समय नेपाल निकै अगाडि देखिएको छ । २८,१२,९५९ को परीक्षण गर्दा अहिले सम्ममा नेपालमा ५ हजार ४११ जनाले कोरोनाबाट ज्यान गुमाइसकेका छन् ।
