मोरङ, १५ पुस । बेलबारीको द्रव्य ब्यान्डको पहिलो म्युजिक भिडियो सार्वजनिक हुने भएको छ । बुधवार बेलबारी वडा नं. ३ स्थित ड्रिमल्यान्ड फनमा भएको पत्रकार सम्मेलन ब्यान्डले जानकारी गराएको हो ।
अंग्रेजी नयाँ वर्षको अवसरमा सांगेतिक कार्यक्रमको आयोजना गरेर “आँसुले” बोलको गीतको भिडियो सार्वजनिक गर्न लागेको ब्यान्डका म्यानेजर हरि गुरुङले बताएका छन् । हरि गुरुङका अनुसार न्यु ईयर ईभ २०२१ कार्यक्रम ड्रिमल्यान्ड फनमा बिहीबार हुने छ ।
कार्यक्रममा म्युजिक भिडियो सार्वजनिक गर्नको साथै वरिष्ठ गायक दीप श्रेष्ठको पनि प्रस्तुति रहने गुरुङले बताएका छन् । श्रेष्ठसँगै एकै मञ्चमा द्रव्य ब्यान्डको पनि प्रस्तुति रहने गुरुङले बताए ।
“आँसुले” बोलको गीतको शब्द बेलबारीका आशिस राईले लेखेका हुन भने सङ्गीत द्रव्य ब्यान्डको रहेको छ । स्वर टिकाहाङ लिम्बुको रहेको छ ।
