बेलबारी, १७ भदौं । बेलबारी नगरपालिकाको वाड नं. ४ स्थित यलम्बर चौकमा स्थानीय युवाहरूले आज बुधवार देखी फुट बैँकद्वारा खाद्यान्न सामाग्री वितरण कार्यक्रम सुरु गरेका छन् । यलम्बर चौकका युवा समूहको आयोजनामा भएको कार्यक्रम दुई दिनको लागि गरिएको हो ।
अति विपन्न परिवारलाई भोको पेट सुत्न नपरोस् भनेर फुट बैँक सञ्चालन गरेको समूहका सदस्य चन्द्र लिम्बुले बताएका छन् । फुट बैँकमा निःशुल्क खाद्यान्न सामाग्री वितरण गरिरहेका छन् । वैदेशिक रोजगारमा गएका स्थानीय व्यक्ति तथा संघसंस्थाको आर्थिक तथा खाद्यान्न सहयोगमा फुट बैँक सञ्चालन गरेको चन्द्र लिम्बुले बताए ।
आज ५० परिवारलाई चामल, दाल, नुन लगायतका दैनिक उपभोग्य बस्तु प्रदान गरेको समूहका सदस्य उत्तम लिम्बुले जनाएका छन् । उनका अनुसार सुन्दरहरैचाका स्वतन्त्र युवा समूहसँगको सहकार्यमा पनि अन्य स्थानमा पनि फुट बैँक सञ्चालन गर्ने बताएका छन् । स्वतन्त्र युवा समूहले पनि हाल सुन्दरहरैचामा फुट बैँक सञ्चालन गरिरहेका छन् ।
