मोरङ । बेलबारी मूल ठेगाना भएका कवि घिमिरेले ‘अनुभूतिका रङहरू’ (कवितासङ्ग्रह) प्रकाशनमा ल्याएका छन् । साबिकको बाहुनी गाविस वडा नं ५, हालको बेलबरी नगरपालिका वडा नं ७, बाहुनी, मोरङ मूल ठेगाना भई पछिल्लो समय विराटनगर –१०, मोरङमा बसोबास रहेका घिमिरेको उक्त कृतिको एलिट क्लब, विराटनगरको सभाहलमा शनिवार लोकार्पण गरिएको हो ।
वरिष्ठ कवि कुन्ता शर्मा प्रमुख अतिथि रहेको उक्त कार्यक्रममा प्रा.डा. टङ्कप्रसाद न्यौपाने, प्राज्ञहरू विवश पोखरेल, गङ्गा सुवेदी र खेम नेपाली, अच्छा राई रसिक साहित्य प्रतिष्ठानका पूर्व अध्यक्ष केशव सुनाम, प्रा. कृष्ण पोखरेललगायतका विशिष्ट व्यक्तित्वहरूको उपस्थिति रहेको थियो । विराट साहित्य सङ्गमद्वारा आयोजित उक्त कार्यक्रममा केशु विरही, भरत बर्बरिक, शिवनारायण सिङ्गल, भीम कोइराला, गोपाल निर्भीक, मीनकुमार श्रेष्ठ नवोदित, दिनेशराज सुवेदी, गोविन्द ढुङ्गाना, भवानीप्रसाद पोखरेल, कविता केशरी, प्रिन्स प्रमोदकुमार ढकाल, प्रयाग न्यौपाने, उमेश लुइटेल, डोमी कामत, नवराज पोखरेल ‘नवशिला’, जेबी खत्री, नानुमैया दाहाल, अम्बिका खरेल उप्रेती, भूपाल अधिकारी, मञ्जु घिमिरे दाहाल, पुष्पा सायरा, उमेश लुइटेल, जमुना पौडेल, कर्ण सञ्जय, कुमार श्रेष्ठ, चूडामणि घिमिरे, स्वयम्भूनाथ कार्की, कुशेश्वर राई, सुजता राईलगायतका स्रष्टा÷कलाकारहरूको उपस्थिति रहेको थियो ।
निर्मला कोइरालाले समीक्षा प्रस्तुत गरेको उक्त कार्यक्रममा आलेख मासिकका सम्पादक अच्युत घिमिरेले लेखकको जीवनी (परिचय) प्रस्तुत गरेका थिए । भरत बर्बरिक, प्रयाग न्यौपाने, उमेश लुइटेल, नानुमैया दाहाल, कर्ण सञ्जय, डोमी कामत, रञ्जना भट्टराईलगायतकाले लोकार्पित कृतिभित्रका कविता वाचन गरेका थिए । कार्यक्रममा प्रा.डा. टङ्कप्रसाद न्यौपाने, प्राज्ञहरू खेम नेपाली, विवश पोखरेल, गङ्गा सुवेदी, केशव सुनामलगायतकाले शुभकामना मन्तव्य राखेका थिए । विराट साहित्य सङ्गमका अध्यक्ष मधु पोखरेलका अध्यक्षतामा सम्पन्न कार्यक्रमको सञ्चालन भने छन्दवाटिका नेपाल, विराटनगरका अध्यक्ष हरि कट्टेलको रहेको थियो ।
