तृस्ना कुलुङ राई – बेलबारी । बेलबारीमा जारी दोस्रो सिसौली नकआउट फुटबल प्रतियोगिताको दोस्रो दिन लेटाङ फुटबल क्लबले बेलबारी फुटबल क्लबलाई पराजित गरेको छ । लेटाङले २–१ गोल अन्तरले बेलबारीलाई पराजित गरेको हो ।
(लेटाङ फुटबल टिम)
पहिलो हाफको १३ मिनेटमा बेलबारी फुटबल क्लबका जर्सी नम्बर ११ का खेलाडी डेभिड मगरले गोल गरेका थिए । पहिलो हाफसम्म अग्रतामा रहेको बेलबारीलाई दोस्रो हाफमा लेटाङले एक गोल फर्काएर खेल बराबरी बनाएको थियो । खेलको २६ मिनेटमा लेटाङका जर्सी नम्बर ११ का खेलाडी मनि राईले गोल गरेर खेल बराबरीमा पुराएको हो ।
(बेलबारी फुटबल टिम)
बराबरी भएपछि दुवै टिमको खेल निकै आक्रामक रहेको थियो । निर्धारित समयको अन्तिम तिन मिनेटको एडिस्नल टाइममा लेटाङले थप एक गोल गर्दै सेमिफाइनलमा प्रवेश गर्न सफल भएको छ । लेटाङको लागि जर्सी नम्बर १० का खेलाडी नीरज परियारले गरेको गोल निर्णायक भएको हो ।
फोटो – सिसिर राई/अभिजित तामाङ
खेलको मेन अफ द म्याच लेटाङका जर्सी नम्बर ४ का खेलाडी रुपेश तामाङ घोषित भएका छन् । उनलाई कार्यक्रमका प्रमुख अतिथि बेलबारी वडा नं. १ का अध्यक्ष मणि मगरले ट्र«फीसहित नगद पुरस्कार रु.१ हजार ५ सय प्रदान गरे । भोलि सुन्दर खोर्साने फुटबल क्लब र जहदा फुटबल क्लबबिच प्रतिस्पर्धा हुने सिसौली यूथ क्लबका शम्भु श्रेष्ठले जनाएका छन् ।
