बेलबारी, १९ असार । मोरङको बेलबारीमा एक पुरुषले काठको मुङ्ग्रोले हानेर आफ्नै श्रीमतीको हत्या गरेका छन् ।
बेलबारी नगरपालिका वार्ड ७ बाहुनीका ५४ वर्षीय अम्बिका घिमिरेले ४८ वर्षीय पत्नी सीता घिमिरेको हत्या गरेको मोरङ प्रहरीले जनाएको छ ।मोरङ प्रहरीका निमित्त प्रमुख डिएसपी मञ्जील मुकारुङले दिएको जानकारी अनुसार अभियुक्त घिमिरेले राती २ बजेतिर आफ्नी श्रीमतीलाई काठको मुग्रोले हिर्काएर हत्या गरेको र खबर पाउनसाथ इलाका प्रहरी कार्यालय बेलबारीका प्रहरी निरीक्षक सरोज खनाल नेतृत्वको टोली घटनास्थल पुगेको थियो ।
खनाल नेतृत्वको टोलीले देब्रे कन्चट फुटेर सिरानी तथा ब्ल्याङ्केटमा रगत लागेको र घोप्टो परेको अवस्थामा शव फेला पारेको हो । अम्बिका भारतको आसाम पुगेर फर्किएको भन्दै परिवारबाट सम्पर्कविहीन बनेर निक्कै लामो समयपछि घर आएका थिए ।
लुकिछिपी बसेको अवस्थामा अम्बिाकालाई प्रहरीले गाउँबाटै पक्राउ गरेको छ भने शव पोस्टमार्टमका लागि बीपी कोइराला स्वास्थ्य विज्ञान प्रतिष्ठान धरान लगिएको छ ।
